المـــودّه والــــغـلا والحُـب حـــلال
•• لا تـحـــرّم كيفـــك وبُـــكـره تبيــح

على كيفك تبغي ما تبغي الوصـال!
•• يــا زعم ماتعرف اتجامل .. صريـح!

مــرّه روح بـدربــــك و مـرّه تـعـال!
•• لا حبيبي قُربي مو لعبه .. استريـح
...
إحتــرم قلبــي وبلا شــوق الجهـال
•• وبحيـــاتي احفـظ مكانـك لا تصيــح

ماهوب غــرور الله يعلـم بالرجــال
•• لكـن العِـز يرفض احساس الجريـح

عنــدك ألــوان وتقــاسيـم وجمــال؟
•• عنــدي إحساس وقلم دافي ومُريح

واثــق بشخصيّتـي وطيب الخصـال
•• والله لو أغمِــز إلى الورده تسيـــح

مــانــي بكــامـــــل وللــه الكـمــال
•• لكـن بكل حـــال سعـري ما يطيــح

واللي يعطينـي المَـعْــــزّه والــدلال
•• قابِـــل أعطــيـه العمر كلّه مـديــــح

قابِل أقلـب واقعــه صورة خيــــــال
•• وانقلب لـه زايــر وعشقه ضريـــــح

دوم أمَسِّـيــه بشعــر عَــذْب و زُلال
•• يا مســاء الشوق للوجــه السميـح

لا تحبني وتسأل ألف امية ســـؤال!
•• حبني صح وما يصــح إلاّ الصحــيــح

# مساء الحُب #

وللقلبِ سؤال :

الإعتراف بالحُب لا يعني الضعف !
و التواضع لا يعني التضحية بكرامتك !
ومتى سنُفرِّق بين الغرور والثقة بالنفس ؟!

الخميس 1 نوفمبر2012م
نـادر التـتـان
richard mille replica replique breitling