الزهراء عليها السلام
للشاعر رضا درويش
لأن الحــــب سفينة لشــاطي أهــل الــبــيـت تهـديني
و لأن الحب وطـن كــلما .. ضِعـــت لـــيهـم يدلـيـني
اجيت ابقلـب يكتـبني .. و اجيــت بشـــووق يرويني
و ســمـعـت أم الحســن آيـة .. بكـتـاب الله تـنـاديــني
و لفيت الكوثر بروحي .. ولـه.. لــيـهــــا يـــوديـني
و على الزهره انفتح عمري ترى و ضحكة بســاتيني
و على الزهره انرسم لوني و طعمي و ريحة اسنيني
و على الزهـــره لقيــت أمــي .. بمـودتـهـا تربـيـني
و تقلـــلي احفظ معانيها ..و في كل خطـوة توصيـني
و دريت إن العشق.. أول فروضي .. و آخـر اديــوني
****
نهر يا أم الحسن ذكرج .. مـثــل لون الــورد .. يجـري
و أحس الشوق مـن يسمع .. حروفـــج يـنـقـلب زهــري
و لأنْ قلبي حمل حبـــج .. مـلايــك تحــمـلــه بصـدري
يـَ أغلى احساس يملكني .. و مــن غيـرج مـِلـك أمـري
يركـعـه من صلاة اللــيـل تحفظ .. عـــزتـي و طهري
او كلــمـا أرفــع الدعـــوه بهيامــج .. يــرتـفــع قــدري
يــ أصل الخير او يا روح الحنان ابدنيتي و حـشــري
و صيه رايد أوصيــها .. و خـل كــل الـبـشـر تـــدري
أمانه من يجــي يومي .. و تغـيب أنـفـاسـي من عمري
أمانه اعليكم .. اتحـفـرون اســم "الــزهره" عـلقــبـري
المسافة اتطـول و الزهره .. حــِلـم كـد الــوله يكــبـر
و أذان .. ابكل فريضة يقول: في المحبوب ذوب أكثر
و تبقى الزهره لينه اسراج .. او حـوله اقـلوبنه تسهر
و طاريها عطر .. كـلما نعيـده .. الـروح تـتـعــطــــر
و إذا مر الأمـل بيـــها...عليـنـه .. الـدنـيــه تـتغــيــر
و تبقى الزهره .. حُرية .. او بـإسمها الـقـيـد يتكســر
يموت الماي .. و اهـي تـبـقى عـلـى الأزمان تتشجـر
تعلمنه الصبر و أيـــوب .. عــنـد الـــزهــره يتعــذر
و تبقى الزهره طيب احساس .. ايظللنه على المحشر
او يقين بيـوم شـدتـنـه .. نـشـوف أم الحـسـن تحضـر
| 
